Siglufjörður

SIGLUFJÖRÐUR – TJALDSVÆÐI SIGLUFJARÐAR

Velkomin á tjaldsvæði Siglufjarðar.

Tjaldsvæði Siglufjarðar samanstanda af þremur svæðum: Miðsvæðinu, Bola og Rammalóðinni.
Á öllum svæðunum er salerni og rafmagn. Svæðin eru staðsett á mismunandi stöðum í og við bæinn og bjóða upp á dvöl í fallegu umhverfi við rætur Tröllaskaga.

---

🌄 UM SIGLUFJÖRÐ

Siglufjörður, sem er hluti að sameinuðu sveitarfélagi Fjallabyggð, er sjarmerandi bær á Tröllaskaga með ríka síldarsögu, umkringdur fjöllum og fjöru. Hér búa um 1.300 manns og andrúmsloftið einkennist af ró, menningu og fjölbreyttri afþreyingu.

Í bænum er sundlaug með pottum og saunu, fjölmörg söfn og veitingastaðir, auk einstakra gönguleiða um fjöll og dali. Héðinsfjarðargöngin tryggja greiðan aðgang að bænum árið um kring og yfir sumarið eru haldnar fjölmargar hátíðir og menningarviðburðir, þar á meðal 17. júní hátíðarhöld, Síldarævintýrið, Þjóðlagahátíðin, Trilludagar og Frjó listahátíð

---

🏕️ MIÐSVÆÐIÐ

Miðsvæðið er staðsett í hjarta Siglufjarðar, við höfnina, í göngufæri við miðbæ og þjónustu bæjarins.
Á svæðinu er aðgangur að sturtu og þvottahúsaðstöðu, sem gestir á öllum tjaldsvæðum Siglufjarðar geta nýtt.

🏕️ BOLI

Bola-svæðið er staðsett sunnar í bænum, í nálægð við náttúru og gönguleiðir.

🏕️ RAMMALÓÐIN

Lóðin opnar þegar að aðstæður leyfa er líða fer á sumarið

Rammalóðin er rólegt tjaldsvæði, staðsett á móti lögreglustöðinni og í stuttu göngufæri frá miðbænum

---

Útilegukortið gildir á öllum tjaldsvæðum Siglufjarðar.

• Hægt er að bóka stæði með Útilegukortið fyrirfram í gegnum Parka; tjaldvörður skannar þá Útilegukortið við komu
• Einnig er hægt að koma beint á svæðið og fá stæði í samráði við tjaldvörð, sé pláss til staðar. ATH að tjalda ekki í merktu stæði án samráðs við tjaldvörð sé ekki farið í gegnum parka.

⚠️ Útilegukortið gildir ekki yfir verslunarmannahelgina, 30. júlí – 3. Ágúst (frá fimmtudegi til mánudags). Hægt er að nota Útilegukortið á mánudeginum.

Þjónusta

Kort

Myndir