Skagaströnd

Norðurland / Tjaldsvæði

Tjaldsvæðið á Skagaströnd er á skjólsælum og rólegum stað rétt austan við byggðina og horfir á móti sólu. Svæðið er í fallegu umhverfi og nýtur skjóls til norðurs og austurs af lágum klettahólum sem kallaðir eru Hólaberg. Á tjaldsvæðinu er gamall bæjarhóll þar sem bærinn Höfðahólar stóð. Runnar skipta svæðinu upp í nokkra reiti sem skapa þægileg umhverfi fyrir tjöld, húsbíla, hjólhýsi, fellihýsi og tjaldvagna. Rafmagnstenglar eru á nokkrum stöðum. Á svæðinu er góð aðstaða fyrir börn, spennandi náttúrulegt umhverfi og leiktæki.

Í þjónustuhúsinu er sturta, vatnssalerni, þvottavél og aðstaða til að matast innanhúss fyrir þá sem það vilja og vaskur til uppþvotta. Þar má einnig fá margvíslegar upplýsingar fyrir ferðamenn m.a. veglega bæklinga um gönguleiðir á náttúruperluna Spákonufellshöfða og á fjallið Spákonufell. Þarna er einnig gestabók og eru ferðalangar beðnir um að rita nöfn sín í hana. Ferðafólk er beðið um að ganga vel um og skilja þannig við bæði tjaldsvæðið og þjónustuhúsið að aðrir geti líka notið dvalarinnar.

Þjónusta

Upplýsingar

Heimilisfang Hólabraut 35
Póstfang/Bær 
545 Skagaströnd
Sími 7760040
Netfang
 skagastrond.camping@gmail.com
Vefsíða 
www.skagastrond.is/is/thjonusta/tjaldsvaedi
Opnunartími 
1. maí – 15. september
Fjarlægð frá Reykjavík: 266 km
Fjarlægð frá Seyðisfirði: 436 km

Þjónusta á staðnum

Kort

Myndir